ئیسرائیل لە بڕیارەكانی ئەمریكا نیگەرانە

ئاڤا نیوز

 

ئەمریكا بڕیاری داوە هەناردەكردنی چەک  بۆ ئیسرائیل ڕابگرێت و حكومەتی ئیسرائیلیش لەو بڕیارە نیگەرانە و دەڵێت كاریگەری لەسەر تواناكانمان دەبێت.

 

وێنە گەورەكە: وەزارەتی بەرگریی ئەمریكا ڕایگەیاند، هەناردەكردنی چەكیان بۆ ئیسرائیل ڕاگرتووە، ڕۆژی سێشەممە كۆنتێنەرێكی گەورەی چەک و تەقەمەنی كە بڕیار بوو بنێردرێن بۆ ئیسرائیل ڕاگیرا، ئەم بڕیارە حكومەتی تەلئەڤیڤی  نیگەران كردووە.

 

لێدوانی فەرمی: گیلاد ئێردان، نوێنەری هەمیشەیی ئیسرائیل لە نەتەوە یەکگرتووەکان ڕایگەیاند: بڕیاری واشنتن بۆ وەستاندنی ناردنی چەک، ئاستەنگێکی زۆر لە توانا سەربازییەکانی ئیسرائیل بۆ گەیشتنە ئامانجەکەی  دروست دەکات.

 

زانیاریی زیاتر: ئەو بارەچەكەی كە ڕاگیراوە، سێ هەزار و 500 بۆمبە کە لە هەزار و 800 بۆمبی 2000 پاوەندی (907 کیلۆگرام) و هەزار و 700 بۆمبی 500 پاوندی (226 کیلۆگرام) پێک هاتووە.