وەزارەتی پێشمەرگە بۆ ئاڤا: بڕیاری لێخۆشبوونی گومرگ لە پێشمەرگە کات و تێچوویەکی زۆر دەگەڕێنێتەوە

ئاڤا نیوز 

 

بەڕێوەبەری گشتیی ڕاگەیاندن و هۆشیاریی نیشتمانی لە وەزارەتی پێشمەرگە ڕایگەیاند، لێخۆشبوونی گومرگی لەسەر هاوردەکردنی کەلوپەلی سەربازی بۆ هێزی پێشمەرگە بڕیارێکی زۆرباشە و بەهۆیەوە کات و تێچوویەکی زۆر دەگەڕێنێتەوە.

 

بۆچی گرنگە: بەهۆی ئەم بڕیارەوە هاوردەکردنی کەلوپەلی سەربازی بۆ هێزی پێشمەرگە، کات و تێچوویەکی کەمتری پێویست دەبێت و وەزارەتی پێشمەرگە بە "دەستکەوتێکی گرنگ" بۆ حکومەتی هەرێمی کوردستانی دەزانێت. 

 

وێنە گەورەکە: حکومەتی عێراق لە نوێترین بڕیاریدا هێزه‌كانی پێشمه‌رگه‌ له‌ باجی گومرگی تایبه‌ت به‌ هاوردەکردنی كه‌لوپه‌لی سه‌ربازی دەبەخشێت.

 

لێدوانی فەرمی: لیوا عوسمان محەممەد، بەڕێوەبەری گشتیی ڕاگەیاندن و هۆشیاریی نیشتمانی لە وەزارەتی پێشمەرگە سەبارەت بە بە بڕیارەکە بۆ ئاڤا نیوز ڕایگەیاند: بڕیارەکە زۆرباشە، تایبەتە بە لێخۆشبوونی گومرگی لەو کەرەستە سەربازییانەی کە وەزارەتی پێشمەرگە وەک هاوکاری وەریان دەگرێت لە چوارچێوەی ئەو کۆمەکانەی کە لەلایەن هاوپەیمانانەوە پێشکەش بە پێشمەرگەی کوردستان دەکرێت. 

 

هۆکارە زانراوەکان: تێگەیشتنی زۆری سوودانی بۆ چارەسەرکردنی کێشەکانی هەولێر و بەغدا هۆکاری دەرکردنی بڕیارەکەیە. 

 

لەلایەکی دیکەوە: سەبارەت بە هەماهەنگیی هێزی پێشمەرگەی کوردستان و سوپای عێراق لە شەڕی دژ بە تیرۆر لیوا عوسمان محەممەد گوتی: هاوکاری و هەماهەنگیی زۆرباش لەنێوانماندا هەیە فەریق ڕوکن عیسا عوزێر، سەرۆکی ئەرکانی وەزارەتی پێشمەرگە لە کۆبوونەوەکانی ئەنجوومەنی ئاسایشی نیشتمانیی عێراق بەشداری دەکات.