ئیسرائیل گەمارۆی ڕەفەحی داوە و نەتەوە یەكگرتووەكان هۆشداری دەدات

ئاڤا نیوز

ئیسرائیل بە تانک و زرێپۆش گەمارۆی ڕەفەحی داوە، نەتەوە یەکگرتووەکان هۆشداری دەدات "هێرشی زەمینی ئیسرائیل بۆ ناوچەی ڕەفەح کارەساتی مرۆیی لێدەکەوێتەوە".

ئەوەی پێویستە بیزانیت: سوپای ئیسڕائیل ئامادەکاری تەواوەتی کردووە بۆ هێرشکردنە سەر ناوچەی ڕەفەح و بە تانک و زرێپۆش گەمارۆی داوە، ناوچەکەش ملیۆنێک و 400 هەزار ئاوارەی غەززەی لێیە.

لێدوانی فەرمی: ئەنتۆنیۆ گۆتێرێس، سکرتێری گشتیی نەتەوە یەکگرتووەکان ڕایگەیاند: هێرشی زەمینی ئیسرائیل بۆ سەر ڕەفەح دەبێتە هۆی کارەساتیی مرۆیی.

بۆچوونی لایەنی بەرامبەر: سوپای ئیسڕائیل دڵنیایی دەدات "ئەگەر هێرش بکەنە سەر ڕەفەح هیچ زیانێک بە هاووڵاتییان ناگەیێنن و ئامانجیان لەناوبردنی چەکدارانی حەماسە".