زەردەواڵە بە 12 سەربازی ئیسرائیلییەوە دەدات

ئاڤا نیوز

12 سەربازی سوپای ئیسرائیل لە کەرتی غەززە، زەردەواڵە پێوەی داون.

چیرۆکی سەرەکی: ژمارەیەک سەربازی ئیسرائیل تووشی ڕووداوێکی لەناکاو بوون، بەڵام ئەمجارە بەهۆی چەکدارانی حەماس نەبوو، بەڵکو پۆلێک زەردەواڵە هێرشیان کردووەتە سەر تیمەکەیان و بەهۆیەوە 12 سەرباز برینداربوون، دواتر ڕەوانەی نەخۆشخانە کران.

لێدوانی فەرمی: ئەفیغای ئەدرەعی، گوتەبێژی سووپای ئیسڕائیل ڕایگەیاند: دۆخی تەندروستیی سەربازەکان زۆر باشە و پشکنینیان بۆ کراوە و  تەنها سەربازێک تەندروستی ناجێگیرە.

ئەوەی پێویستە بیزانیت: زەردەواڵەکان ژەهراوی وکوشندەن. هەر کەسێکیش ئەو جۆرە زەردەواڵانە یا ژەنگەسوورە و مار پێوەی بدات، دەبێت دەرزی کۆزاز بەکار هێنێت.

وێنە گەورەکە: لە حەوتی ئۆکتۆبەری ڕابردوو، حەماس هێرشی کردە سەر ئیسرائیل و زیاتر لە هەزار و 170 کەس کوژران و 250 ئیسرائیلی بە بارمتە گرت، بۆیە سوپای ئیسرائیل هێرشێکی بەرفراوانی کردە سەر غەززە و زیاتر لە 34 هەزار کەس لەو شارە کوژراون، لە سەرەتای هێرشەکەشەوە نزیکەی 600 سەربازی ئیسرائیلی کوژراون.