نوێنەری فەڵەستین: مافی خۆمانە چارەنووسی خۆمان هەڵبژێرین

ئاڤا نیوز

نوێنەری فەڵەستین لە کۆبوونەوەی نەتەوە یەکگرتووەکان ڕایگەیاند "گەلی فەڵەستین مافی خۆیانە بە ئاشتییانە چارەنووسی خۆیان دیاری بکەن".

لێدوانی فەرمی: نوێنەری فەڵەستین لە  نەتەوە یەکگرتووەکان لە گوتارێکدا لەبەردەم ئەندامانی ڕێکخراوەکە گوتی:" گەلی فەڵەستین مافی خۆیەتی چارەنوسی خۆی دیاری بکات. ئیسرائیل دەروازەکانی ساجاتی داخستووە و دەروەزای ڕەفەحی کۆنترۆڵ کردووە و  داوا لە ئەنجوومەنی گشتیی نەتەوەیە کگرتوەکان دەکەین لە بەرژەوەندیی فەڵەستین هاودەنگییان هەبێت".

 

بۆچوونی لایەنی بەرامبەر: "جەلعاد ئاردان، نوێنەری ئیسرائیل لە نەتەوە یەکگرتووەکان ڕایگەیاند: با جیهان بزانێت وڵاتەكەمان بەهۆی حەماسەوە تووشی چ گرفتێكی گەورە بوو، هەمان ئەو وێنانەتان بیرنەچێت كە منداڵ و ژنەكانی ئێمە سەردەبڕدران بە دەستی چەكدارانی حەماس، ئەوە ئێمە نەبووین غەززەمان وێران كرد".

ئەوەی پێویستە بیزانیت: میدیاکانی ئەمریکا و ئەوروپا باس لەوەدەکەن پێدەچێت ئەمڕۆ نەتەوە یەکگرتووەکان فەڵەستین وەک ئەندامی هەمیشەیی قبوڵ بکات.