کچە کوردێک بەشداری لە فیلمێکی سکۆتلەندی دەکات

ئاڤا نیوز

ژوانا نەسیری، هونەرمەندی ڕۆژهەڵاتی کوردستان بەشداری لە فیلمێکی سکۆتلەندی دەکات کە تێیدا ڕۆڵی کچێکی ئێزیدی دەگێڕێت.

 

لێدوانی فەرمی: "دەرهێنەر حەسەن نازر بە فەرمی داوای لێ کردووم لە فیلمەکەی بەشدار بم کە باس لە کچە کوردانی ئیزێدی دەکات و 80%ی فیلمەکە لە کوردستان تۆمار دەکرێت، لە مانگی ئایندەوە دەست بە تۆمارکردنی بەرهەمەکە دەکەین"، ژوانا نەسیری ئەمەی بە ئاڤا نیوز گوت.

 

هۆکارە زانراوەکان: فیلمەکە بە زمانی کوردی دەبێت، بەڵام لە وڵاتی سکۆتلەندا بەرهەم دەهێنرێت تا ئەگەری پاڵاوتنی بۆ بەشداریکردن لە فێستیڤاڵەکانی فیلم لە سکۆتلەندا هەبێت. تا ئێستا ناوی فیلمەکە ئاشکرا نەکراوە.

 

زانیاری زیاتر:  ژوانا شاعیر و دەنگبێژێکی بەتوانایە و ژەنیاری عود و دیوانە و تا ئێستا دوو بەرهەمی نووسین و دەنگی بڵاو کردووەتەوە.

 

باکگراوند: ژوانای تەمەن 19 ساڵ لەدایکبووی پارێزگای سنەیە، هەر لە تەمەنی پێنج ساڵییەوە لە ڕێگەی باوکی، سەعدوڵا نەسیری دەستی کردووە بە چالاکیی هونەری.