د. عادل باخەوان: ساڵانە عێراق 250 کیلۆمەتر خاکی بەپیت لەدەست دەدات‌

ئاڤا نیوز

بەڕێوەبەری ناوەندی فەڕەنسی بۆ توێژینەوە لەسەر عێراق ڕایگەیاند، پێویستە 233 ملیار دینار بۆ ڕووبەڕووبوونەی ئاڵنگارییەکانی کەشوهەوا لە عێراق و هەرێمی کوردستان تەرخان بكرێت.

لێدوانی فەرمی: د. عادل باخەوان، بەڕێوەبەری ناوەندی فەڕەنسی بۆ توێژینەوە لەسەر عێراق لە گوتارێکدا لە سیمپۆزیەمی نێودەوڵەتیی کاریگەرییەکانی وشکەساڵی و گۆڕانی ئاووهەوا گوتی: بە هۆی گۆڕانی کەشوهەواوە ساڵانە عێراق 250 کیلۆمەتر خاکی بەپیتی خۆی کە بۆ کشتوکاڵ بەکار دەهێنرێت لەدەست دەدات‌، پێویستە 233 ملیار دینار بۆ سەرجەم سێکتەرەکان تەرخان بکرێت بۆ ڕووبەڕووبوونەوەی ئاڵنگارییەکانی کەشوهەوا.

ئەوەی پێشبینی دەکرێت: بەپێی پێشبینییەکان ساڵی 2050 ژمارەی دانیشتووانی عێراق دەگاتە 80 ملیۆن کەس، 68٪ـی عێراقییەکان تەمەنیان لە خوار 30 ساڵییەوەیە و ڕێژەی بێکاریش دەگاتە 40٪. عادل باخەوان وا دەڵێت.