عێراق و سووریا یاداشتی هاوکاریی ئەمنی واژۆ دەکەن

ئاڤا نیوز 

وەزارەتی ناوخۆی عێراق و سووریا، یاداشتی هاوکاریی ئەمنییان واژۆ کرد کە لە پێنچ تەوەر پێکهاتووە.

وێنە گەورەکە: ئەمڕۆ یەکشەممە وەزیری ناوخۆی عێراق و هاوتای سوورییەكەی یاداشتنامەی ئەمنییان لە بواری ڕووبەڕبوونەوەی بازرگانی ماددە هۆشبەرەکان، ڕادەستکردنی داواکراوان، ڕێکخستنی سنوورەکان، شۆردنەوەی پارە و ئاسایشی ئەلیکترۆنی واژۆ کرد.

ڕاگەیێنراوی فەرمی: عەبدولئەمیر شەمەری، وەزیری ناوخۆی عێراق ڕایگەیاند:"ئەو یاداشتنامەی لەگەڵ سووریا واژۆ کراون بەم نزیکانە دەکەوێتە بواری جێبەجێکردنەوە".

لە لایەکی دیکەوە: محەممەد ڕەحموون، وەزیری ناوخۆی سووریا گوتی: "هەردوو وڵات بەدەست تیرۆر و  دیاردەی بازرگانی بە مرۆڤ و ماددەی هۆشبەرەوە دەناڵێنن".