ئەمریکا شوێنی سەرۆکی حەماس ئاشکرا دەکات

ئاڤا نیوز 

بەرپرسانی ئەمریکا دەڵێن، یەحیا سینوار سەرۆكی بزووتنەوەی حەماس لە غەززە لە تونێلێکی 15 نهۆمی لە ناوچەی خان یونس لە غەززە خۆی حەشارداوە.

وێنە گەورەکە: یەحیا سینوار لە پێشەنگی داواکراوانی سەرکردەکانی حەماسە لەلایەن ئیسرائیلەوە، لە سەرەتای جەنگی غەززە و ئیسرائیل لە مانگی ئۆکتۆبەری ڕابردوو سوپا و هەواڵگریی ئیسرائیل بە هاوکاریی ئەمریکا بەدوای دۆزینەوە و بەئامانجگرتنی سەرکردەکانی ئەو بزووتنەوەیەن.

راگەیێنراوی فەرمی: بەرپرسانی ئەمریکا بە ڕۆژنامەی "نیویۆرک تایمز"ـیان گوتووە: گەیشتن بە زانیاریی لەبارەی شوێنی یەحیا سینوار و محەممەد زێف، سەرۆکی باڵی سەربازیی حەماس لە غەززە سەختە، بەڵام بەپێی زانیارییە هەواڵگرییەکان لەژێر تونێلێكدان لە خان یونس و غەززەیان جێنەهێشتووە.

باكگراوند: لە حەوتی ئۆكتۆبەری ساڵی ڕابردووەوە لە غەززە، شەڕ لەنێوان ئیسرائیل و حەماس هەڵگیرساوە، تاوەکو ئێستا زیاتر لە 34 هەزار فەلەستینی كوژراون.