ئیبراهیم بەحرلعلوم: دەبێت هەولێر و بەغدا بۆ گۆڕانی ئاووهەوا دیدگایەکی هاوبەشیان هەبێت

ئاڤا نیوز

 

سەرۆکی دامەزراوەی بەحرلعلوم، خوازیاری ئەوەیە هەڵمەتێکی نیشتمانی لەلایەن هەولێر و بەغدا بکرێت بۆ ڕازیکردنی وڵاتانی دراوسێ تاوەکو دەرفەتی وەبەرهێنان دروست ببێت لەبارەی گۆڕانکارییەکانی ئاووهەوا.

 

وێنە گەورەکە: لە ڕۆژانی 11-12ـی ئەم مانگە، لە هەولێر سیمپۆزیەمی نێودەوڵەتی کاریگەرییەکانی وشکەساڵی و گۆڕانی ئاووهەوا لەسەر دۆخی سیاسی، ئابووری و دیموگرافیی عێراق بەڕێوەچوو.

 

لێدوانی فەرمی: ئیبراهیم بەحرلعلوم، سەرۆکی دامەزراوەی بەحرلعلوم بە ئاڤا نیوزی ڕایگەیاند: "بەستنی ئەم سیمپۆزیەمە دەبێتە دەرفەتێک بۆ بوونیادنانی دیدگایەک بۆ داهاتوو کە هەرێمی کوردستان و حکومەتی فیدراڵ یەک دەخات بەرەو پرسێکی زیندوو کە هەڕەشەیە بۆسەر داهاتوو و بوونمان".

 

زانیاریی زیاتر: ئیبراهیم بەحرلعلوم هیوای ئەوەی خواست، لەڕێگەی ئەو سیمپۆزیەمەوە هەڵمەتێکی نیشتمانی لەلایەن حکومەتی ناوەند و حکومەتی هەرێمی کوردستانەوە بکرێت، بۆ ڕازیکردنی وڵاتانی دراوسێ و ئەو کێشەیە بقۆزنەوە بۆ دەرفەتی وەبەرهێنان بۆ زیندوکردنەوەی ئەهوارەکان.