لە یەک مانگدا زیاتر لە 350 ملیۆن دینار داشکاندن لە قەرزی ئاو کراوە

ئاڤا نیوز

 

لە سنووری 14 بەڕێوەبەرایەتییەکەی ئاو و ئاوەڕۆی هەرێمی کوردستان، زیاتر لە 11 هەزار هاوبەش سوودمەند بوونە لە داشکاندنی 20% قەرزی ئاو.

 

چیرۆکی سەرەکی: ڕۆژی 27-03-2024، سەرۆکوەزیران بارزانی لایەنە پەیوەندیدارەکانی ڕاسپارد لە قەرزە کەڵەکەبووەکانی هاووڵاتیان لە بواری باج و سزای پێبژاردنی هاتووچۆ، ئاو و کارەبا، ڕێژەی 20% داشکاندنیان بۆ  بکەن.

 

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤا نیوزی ڕاگەیاند، "لە ماوەی یەک مانگدا، 11 هەزار هاوبەش سوودمەند بوون و بڕی 357 ملیۆن دینار داشکاندن لە قەرزی ئاوی هاوبەشان کراوە".

 

ئەوەی پێویستە بیزانیت: ئەمە شەشەمین جارە داشکاندن بۆ قەرزی هاوبەشانی ئاو دەکرێت. لە هەرێمی کوردستان ملیۆنێک و 590 هەزار هاوبەشی ئاو تۆمار کراون، لەو ڕێژەیەش 90%ـیان پێوەری ئاویان بەستووە.