نێچیرڤان بارزانی سەردانی بەغدا دەکات

ئاڤا نیوز 

 

نێچیرڤان بارزانی، سەرۆکی هەرێمی کوردستان ئەمڕۆ سێشەممە سەردانی بەغدا دەکات و له‌گه‌ڵ محه‌مه‌د شياع سوودانى، سه‌رۆكوه‌زيرانى عێراقى فيدراڵ كۆده‌بێته‌وه‌ و په‌يوه‌ندييه‌كانى هه‌ولێر ـ به‌غدا و پرسه‌ هاوبه‌شه‌کانیان تاوتوێ ده‌كه‌ن.

 

وێنە گەورەکە: لە ماوەی یەک مانگدا بۆ جاری دووەم سەرۆکی هەرێمی کوردستان دەچێتە بەغدا و لەگەڵ سەرۆکوەزیرانی عێراق کۆدەبێتەوە، کێشەکانی نێوان هەولێر ـــ بەغدا گرنگترین پرسی گفتوگۆی نێوانیان دەبێت.

 

لێدوانی فەرمی: دڵشاد شەهاب، گوتەبێژی سه‌رۆكایەتیی هه‌رێمى كوردستان ڕایگەیاند: نێچیرڤان بارزانی و سوودانی هەڵوەستە لەسەر په‌يوه‌ندييه‌كانى هه‌ولێر ـ به‌غدا و پرسه‌ هاوبه‌شه‌کانی نێوانیان ده‌كه‌ن.

 

ئەوەی پێویستە بیزانیت: ڕۆژی شەممە 06-04-2024 لەگەڵ محەممەد شیاع سوودانی، سەرۆکی ئەنجوومەنی وەزیرانی عێراق کۆبووەوە تێڕوانینی هاوبه‌ش بۆ ته‌واوی پرس و بابه‌ته‌ نیشتمانییه‌كان و جێبه‌جێكردنی كارنامه‌ی حكومه‌تی فیدراڵیی عێراق له‌ هه‌موو بواره‌كاندا خرایه‌ به‌ر باس.