دەستەی نوێی سەرۆكایەتیی ئەكادیمیای كوردی هەڵبژێردرا

ئاڤا نیوز

 

دەستەی نوێی سەرۆکایەتیی ئەکادیمیای کوردی هەڵبژێردرا و دەستەکە یەکەمین کۆبوونەوەی خۆی کرد.

 

بڵاوکراوەی فەرمی: ڕۆژی دووشەممە 2024/05/13 ئەکادیمیایی کوردی لە بڵاوکراوەیەکی فەرمیدا ڕایگەیاند، ئەنجوومەنی نوێی ئەكادیمیای كوردی یەكەم كۆبوونەوەی فەرمیی خۆی، لە تەلاری ئەكادیمیا سازكرد و بەتێكڕای دەنگ دەستەی سەرۆكایەتییان هەڵبژارد.

 

ئەمەش بزانە: بەپێی ڕاگەیێنراوەکە حەمە سەعید حەسەن بە سەرۆك و كاروان عومەر قادر بە جێگری سەرۆك و لەزگین عەبدولڕەحمان بە سکرتێر و بڕیاردەری نوێی ئەکادیمیاکە هەڵبژێردران، هەروەها موئەیەد تەیب و حەمەزیاد مەولوود وەک ئەندام لە دەستە نوێکەدا دەستبەکاربوون.

 

باکگراوند: ئەکادیمیای کوردی لە ساڵی 1975 دامەزراوە، سەرەتا بە ناوی کۆڕی زانیاریی کورد دامەزرا و لە ساڵی 2012ەوە ناوەکەی گۆڕدرا بە ئەکادیمیای کوردی، کاری ئەکادیمیاکە پاراستن و دەوڵەمەندکردنی زمانی کوردی و شێوەزارەکانی و کارکردنە بۆ گەیشتن بە زمانێکی یەکگرتووی فەرمی.