پەرلەمانی عێراق لە مانگێکدا سێ پرسی سەرەکی یەکلایی دەکاتەوە

ئاڤا نیوز

 

چاوەڕێ دەکرێت پەرلەمانی عێراقی لە ماوەی مانگێکدا پرسی بودجە، سەرۆکایەتیی پەرلەمان و درێژکردنەوەی تەمەنی کۆمیسیۆن یەکلایی بکاتەوە.

 

وێنە گەورەکە: پێنجشەممەی ڕابردوو پەرلەمانی عێراق خولی یاسادانانی بۆ ماوەی مانگێک درێژ کردەوە و دواتر ڕۆژی 18ـی ئەم مانگە دانیشتنی تایبەت بە هەڵبژاردنی سەرۆکی پەرلەمان دیاریکرد.

 

ڕاگەیێنراوی فەرمی: وەزارەتی پلاندانانی عێراق ڕایگەیاند، "هەموو ڕێکارەکانی بودجەی 2024ـمان تەواو کردووە و بۆ وەزارەتی دارایی نێردراوە، پێشبینی دەکەین لەم هەفتەیەدا ئەنجوومەنی وەزیران دەنگی لەسەر بدات".

 

لێدوانی فەرمی: جەمال کۆچەر، ئەندامی پەرلەمانی عێراق دەڵێت، "یەکێکی دیکەی ئەرکی پەرلەمانی عێراق ئەوەیە دەنگ لەسەر درێژکردنەوەی کارەکانی کۆمیسیۆنی باڵای هەڵبژاردنەکانی عێراق بدات کە نابێت بۆ زیاتر لە شەش مانگ زیاتر بێت".