سه‌رۆكى هه‌رێمى كوردستان و سه‌رۆكى دادگه‌ى‌ فيدراڵى چه‌ند پرسێک تاوتوێ ده‌كه‌ن

 

ئاڤا نیوز

لە میانەی سەردانەکەی بۆ بەغدا، نێچیرڤان بارزانی سەردانی سەرۆکی دادگەی فیدراڵی کرد و گفتوگۆیان لەبارەی چەند پرسێک کرد.

 

وێنە گەورەکە: ئێوارەی ئەمڕۆ 14-5-2024 نێچیرڤان بارزانی، سەرۆکی هەرێمی کوردستان بە سەردانێکی فەرمی گەیشتە بەغدا و بڕیارە لەگەڵ بەرپرسانی باڵای عێراق کۆببێتەوە؛ لە یەکەم دیداریشیدا چاوی بە سەرۆکی دادگەی فیدراڵی کەوت.

 

ڕاگەیێنراوی فەرمی: "نێچيرڤان بارزانى، سه‌رۆكى هه‌رێمى كوردستان له‌ به‌غدا سه‌ردانى جاسم محه‌مه‌د عه‌بوود، سه‌رۆكى دادگه‌ى فيدراڵى كرد و لەبارەی ده‌ستوور، پاراستنى ئارامى، سه‌قامگيرى و به‌رژه‌وه‌ندييه‌ باڵاكانى وڵات، بيروڕايان گۆڕييه‌وه".

 

خاڵی ئەرێنی: لە میانەی سەردانەکەی بۆ بەغدا، سەرۆکی هەرێمی کوردستان لەگەڵ سەرۆکوەزیرانی عێراقی لەبارەی پەیوەندییەکانی هەولێر و بەغدا و پرسە هاوبەشەکان کۆدەبێتەوە.