سەرۆکی دادگەی فیدراڵی: دەبێت هەموو لایەنەکان بەشداریی هەڵبژاردنی پەرلەمانی کوردستان بکەن

ئاڤا نیوز

 

سەرۆکی دادگەی فیدراڵیی عێراق ڕایدەگەیێنێت، دەبێت هەڵبژاردنی هەرێمی کوردستان بە بەشداریی هەموو لایەنەکان و بە شێوەیەکی دادپەروەرانە بەڕێوە بچێت.

 

وێنە گەورەکە: دوێنێ سێشەممە، جاسم محەممەد عەبوود، سەرۆكی دادگەی فیدراڵی پێشوازی لە نێچیرڤان بارزانی، سەرۆكی هەرێمی كوردستان كرد و گفتوگۆیان لەبارەی چەند پرسێکەوە کرد.

 

ڕاگەیێنراوی فەرمی: جاسم محەممەد عەبوود، سەرۆكی دادگەی فیدراڵی ڕایگەیاند: "دەبێت هەڵبژاردنی پەرلەمانی كوردستان بە بەشداریی هەموو لایەنەکان ئەنجام بدرێت و تەواوی ڕێوشوێنەكانیش بۆ دەستەبەركردنی دادپەروەری لە بەڕێوەچوونیدا دەستەبەر بكرێن".

 

ئەوەی پێویستە بیزانیت: بڕیارە 10ـی مانگی شەشی ئەمساڵ، هەڵبژاردنی پەرلەمانی کوردستان بەڕێوە بچێت، بەڵام پارتی و زیاتر لە 10 لایەنی سیاسیی پێکهاتەکان بڕیاریان داوە بەشداری نەکەن، بەهۆی هەڵوەشاندنەوەی کورسیی پێکهاتەکان و شێوازی بەڕێوەچوون و کێشەی پەنجەمۆری دەنگدەران.

 

زانیاریی زیاتر: ڕۆژی چوارشەممەی ڕابردوو، بە بڕیاری ئەنجوومەنی کۆمیسیاران و لەسەر سکاڵای سەرۆکوەزیران بارزانی، سەرجەم ئامادەکارییەکانی بەڕێوەبردنی خولی شەشەمی پەرلەمانی کوردستان ڕاگیرا.