باج دەخرێتە سەر کۆمەڵێک بەرهەمی کشتوکاڵیی هاوردەکراو

ئاڤا نیوز

 

وەزارەتی کشتوکاڵی هەرێمی کوردستان، لەپێناو ساغبوونەوەی بەرهەمی جووتیاران، باج دەخاتە سەر چەند بەرهەمێکی هاوردەکراو.

 

وێنە گەورەکە: بە گوێرەی ڕۆژژمێری کشتوکاڵی، ئەم وەرزە باج دەخرێتە سەر چەند بەرهەمێکی کشتوکاڵی و هاوردەکردنی پەتاتەش بەتەواوی قەدەغە کراوە.

 

لێدوانی فەرمی: د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵ بە ئاڤا نیوزی ڕاگەیاند: "باج خراوەتە سەر بەرهەمەکانی کوولەکە، خەیار، پیازی وشک؛ ئەمڕۆش باج دەخرێتە سەر هاوردەکردنی تەماتە".

 

ئەوەی پێویستە بیزانیت: تاوەکو ناوەڕاستی مانگی 11، هاوردەکردنی هەر کیلۆیەک کوولەکە 500 دینار، خەیار و پیاز 600 دینار و تەماتە 750 دیناری دەخرێتە سەر.