زانیاریی نوێ لەبارەی نەخۆشی نەورەسەکان ئاشکرا دەکرێت

ئاڤا نیوز

 

وەزیری تەندروستیی ‌هەرێمی کوردستان دەڵێت، تا ئێستا هیچ نەخۆشیێکی گوازراوە لە نەورەسە مرداربووەکانی دەریاچەی دووکان بۆ مرۆڤ تۆمار نەکراوە و لە پشکنینەکان بەردەوامیشن.

 

وێنە گەورەکە: ڕۆژی 6-5-2024، وێنە و ڤیدیۆی مرداربوونەوەی نەورەسەکانی دەڤەری ڕاپەڕین بڵاو بووەوە و دەنگدانەوەی زۆری بە دوای خۆیدا هێنا.

 

لێدوانی فەرمی: د.سامان بەرزنجی، وەزیری تەندروستی بە ئاڤا نیوزی گوت، "لە سەرەتای ڕووداوەکەوە لەگەڵ وەزارەتی کشتوکاڵ و فەرمانگە پەیوەندیدارەکان و ئیدارەی ڕاپەڕین لەسەر هێڵین، لیژنەیەکی پزیشکیی پسپۆڕ کە پێنج پزیشک بوون ڕەوانەی شوێنەکە کرا، نموونە وەرگیراوە و چاودێری دۆخەکە دەکەین تا ئەو ئاستەی دڵنیا دەبین نەخۆشییەکە بۆ مرۆڤ ناگوازرێتەوە."

 

ئەوەی پێویستە بیزانیت: تەنیا لە سنووری ئیدارەی ڕاپەڕین نەخۆشیی نەورەسەکان بڵاو نەبووەتەوە، بەڵکو لە سنووری پارێزگای سلێمانی، قەزای دووکان و چەند گوندێکی سنووری ئیدارەی گەرمیانیش نەخۆشییەکە تووشی باڵندە بووە.