لەهەر کاتژمێرێکدا 10حاڵەتی جیابوونەوە لە عێراق تۆمار دەکرێت

ئاڤا نیوز

 

بە گوێرەی ئەو ئامار و ژمارانەی بڵاو دەکرێنەوە، ساڵ بە ساڵ لە عێراق، لە جیابوونەوەی هاوژینان ڕێژەی مەترسیدار تۆمار دەکرێت.

 

وێنە گەورەکە: بە پێی ئاماری ئەنجوومەنی دادگەی باڵای عێراق، لە مانگی یەکی ئەمساڵدا، لە هەر کاتژمێرێک 10حاڵەتی جیابوونەوەی هاوژینان تۆمار کراوە.

 

ئەوەی پێوستە بیزانیت: عێراق هەشتەمین وڵاتی عەرەبییە لە ڕێژەی جیابوونەوەی هاوژینان، کە دەگاتە ڕێژەی 22.7% لە کۆی ڕێژەی پڕۆسەی هاوسەرگیری.

 

ژمارەکان وادەڵێن: تەنیا لە ساڵی 2023، لە عێراق 70هەزار حاڵەتی جیابوونەوە تۆمار کراوە، لە کاتێکدا ساڵی 2022 نزیکەی 65 هەزار حاڵەت تۆمار کراوە.