لیژنەیەک بۆ پاراستنی بازاڕەکانی دهۆک دروست دەکرێت

ئاڤا نیوز

بەرگریی شارستانیی دهۆک بە هاوکاری قایمقامیەتی شارەکە، چەندین ڕێنمایی بۆ پاراستنی بازاڕەکان دەردەکەن و پێویستە دووکاندارەکان لەماوەی مانگێکدا جێبەجێی بکەن، ئەگەرنا سزا دەدرێن.

چیرۆکی سەرەکی: کاتژمێر 04:00ـی بەرەبەیانی ڕۆژی دووشەممە 01-04-2024 ئاگرێکی گەورە لە بازاڕی چەلێ لە سەنتەری شاری دهۆک کەوتەوە، دوای زیاتر لە دوو کاتژمێر توانرا کۆنتڕۆڵ بکرێت و زیانی بە 200 دووکان گەیاند.

لێدوانی فەرمی: عەمید حەسەن، بەرێوەبەری بەرگریی شارستانی دهۆک بە ئاڤا نیوزی گوت: دوای ڕووداوی ئاگرکەوتنەوەکەی بازاڕی چەلێ، چەند ڕێنماییەکمان دەرکردووە بۆ پاراستنی بازاڕەکان.

زانیاریی زیاتر: ڕێنماییەکانی بەرگریی شارستانیی دهۆک بۆ بازاڕەکان

1ـ هەر دووکانێک کەلوپەلەکانی بە پەڕۆ یاخود پەردە داپۆشیبێت، دەبێت بیگۆرێت.
2 ـ دەبێت کارەبای نێو بازاڕ بە شێوەیەکی دروست و ئەندازیاری ڕابکێشرێت و ببسترێت.
3 ـ نابێت دیکۆراتی دووکانەکان بە کەرەستەی نایلۆن و فلینە دروست بکرێن.
4ـ  پێویستە هەموو شەوێک بەردەم هەموو دووکانەکان لە خاشاک پاک بکرێنەوە.
5ـ پێویستە  سرکێتەکان لە بن کەلوپەلی دووکان نەبەسترێن بەڵکو لە شوێنێکی دیار و سەلامەت بن.
6ـ پێویستە سرکێتەکانی کارەبا لە شەواندا بکوژێنرێنەوە و هەموو دووکانێک پێداویستییەکانی ئاگرکوژاندنەوەی هەبێت.