تیمی هەژماری من: 25 هەزار مووچەخۆر لەڕێگەی هەژماری من مووچەی مانگی چوار وەردەگرن

ئاڤا نیوز

 

ئەمڕۆ مووچەی مانگی چواری بەشێک لە مووچەخۆران دابەش دەکرێت و 25 هەزار مووچەخۆر لەڕێگەی ئامێرەکانی ATMـەوە مووچەکانیان وەردەگرن.

 

وێنە گەورەکە: 400 هەزار مووچەخۆر لە پرۆژەی هەژماری من تۆمارکراون و 220 هەزار کارتیش بە مووچەخۆران دراونەتەوە.

 

لێدوانی فەرمی: تیمی هەژماری من بە ئاڤا نیوزی ڕاگەیاند، 25 هەزار مووچەخۆر لەڕێگەی هەژماری منەوە مووچەی مانگی چوار وەردەگرن.

 

زانیاریی بەدەستهاتوو: تاوەکو ئێستا 100 ئامێری ATM لەلایەن بانکەکانی نێو پڕۆژەی هەژماری من دانراون، پلانەکە ئەوەیە ڕێژەکە بگەیێنرێتە هەزار ئامێر لە سەرتاسەری هەرێمی کوردستان.

 

خاڵە ئەرێنییەکان: مووچەخۆران دەتوانن لە هەر ئامێرێکی ATM مووچەکانیان ڕابکێشن، بەڵام ئەگەر ئەو ئامێرە سەر بە بانکەکانی پرۆژەی هەژماری من نەبێت، ئەوا تێچووی گواستنەوەی دێتە سەر.