پڕۆسەی دەرهێنانی کارتی دەنگدان دەست پێ دەکاتەوە

ئاڤا نیوز

 

کۆمیسیۆنی باڵای سەربەخۆی هەڵبژاردنەکانی عێراق پرۆسەی تۆمارکردنی کارتی بایۆمەتری دەنگدەران لە هەرێمی کوردستان دەست پێ دەکاتەوە.

 

وێنە گەورەکە: دوای زیاتر لە دوو مانگ وەستاندنی پڕۆسەی تۆمارکردن و نوێکردنەوەی کارتی بایۆمەتری دەنگدان، پرۆسەکە دەست پێ دەکاتەوە.

 

لێدوانی فەرمی: جومانە غەلای، گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی گوت: "پڕۆسەکە زیاتر بۆ ئەو دەنگدەرانەیە کە لە ماوەی قۆناغی یەکەمی پڕۆسەکە پەنجەمۆریان نەیخوێندووەتەوە، هەروەها ئەو دەنگەرانەی تەمەنیان بووەتە 18 ساڵ و نەیانتوانیوە خۆیان تۆمار بکەن".

 

ئەوەی پێویستە بیزانیت: زیاتر لە 250 هەزار دەنگدەر لە هەرێمی کوردستان کێشەی نەخوێندنەوەی پەنجەمۆریان هەیە، ئەگەر 5%ـی پەنجەمۆر لەسەر ئامێرەکە بخوێنێتەوە، دەتوانن دەنگ بدەن.