دوو کەس لە کەرکووک تووشی نەخۆشیی تای خوێنبەربوون دەبن

ئاڤا نیوز

 

لە سنووری پارێزگای کەرکووک، دوو کەس تووشی نەخۆشیی تای خوێنبەربوون بوونە و هەردووکیان لە ڕەگەزی نێرن.

 

وێنە گەورەکە: لە پارێزگاکانی عێراق پشکنین بۆ تای خوێنبەربوون دەستی پێکردووەتەوە و دوو حاڵەتی نوێ لە کەرکووک تۆمارکران.

 

لێدوانی فەرمی: سامان یابە، گوتەبێژی تەندروستیی کەرکووک بە ئاڤا نیوزی ڕاگەیاند: "هەردوو کەسەکە خەڵکی قەزای حەویجەن و لە نەخۆشخانەی کەرکووک لەژێر چاودێری پزیشکیدان".

 

ئەوەی پێویستە بیزانیت: تای خوێنبەربوون، نەخۆشییەکی ڤایرۆسییە لە ئاژەڵەوە بۆ مرۆڤ دەگوزارێتەوە، دەبێتە هۆی تێكچوونی دیواری ده‌مار و موولووله‌ی خوێن له‌ناو ده‌بات.