لە سلێمانی بەتۆمەتی بازرگانیكردن بە جەستەی مرۆڤ سێ‌ کەس دەستگیرکران

ئاڤا دیجیتاڵ

بەتۆمەتی بازرگانیكردن بە جەستەی مرۆڤ، سێ‌ کەس لە سلێمانی لەلایەن مەفرەزەكانی بنكەی پۆلیسی ئەزمەڕەوە دەستگیركران.

 

چیرۆکی سەرەکی: دوای ئەوەی زانیاری بە هێزەکانی پۆلیس گەیشتووە کە سێ کەس لە شاری سلێمانی بازرگانی بە جەستەی مرۆڤەوە دەكەن، هێزەكانی پۆلیس دەستیان بە لێكۆڵینەوە و بەدواداچوون کردووە، دوای وەرگرتنی بڕیاری دادوەر، لەلایەن پۆلیسی ئەزمەڕەوە توانراوە بدۆزرێنەوە و دەستگیربكرێن.

 

لێدوانی فەرمی: بەڕێوەبەرایەتیی پۆلیسی پارێزگای سلێمانی لە راگەیێنراوێکدا ئاشکرای کردووە، هەرسێ تۆمەتبارەکە بە ناوەکانی (ت، م، ج - م، ب، ك - س، ك، ش) بە ناسنامە عەرەبن، بەپێی ماددەی 2 لە یاسای نەهێشتنی بازرگانیكردن بە جەستەی مرۆڤەوە رگیراون و لێكۆڵینەوە لەگەڵیان بەردەوامە.