مەسرور بارزانی لەگەڵ بەڕێوەبەری گشتیی یونێسکۆ کۆدەبێتەوە

ئاڤا نیوز

مەسرور بارزانی، سەرۆکوەزیرانی هەرێمی کوردستان، لە دوبەی لەگەڵ خالید ئەلعینانی، بەڕێوه‌به‌رى گشتيى ‏نوێی ڕێكخراوى نه‌ته‌وه‌ يه‌كگرتووه‌كان بۆ په‌روه‌رده‌ و زانست و ڕۆشنبيرى (UNESCO) کۆبووەوە.

ڕاگەیێنراوی فەرمی: ڕۆژی چوارشەممە 04-02-2026، ماڵپەڕی حکومەتی هەرێمی کوردستان بڵاویکردەوە، سەرۆکوەزیران مەسرور بارزانی، پیرۆزبایی دەستبەکاربوونی لە به‌ڕێوه‌به‌رى گشتيى یونێسکۆ کرد و هیوای سەرکەوتنی لە ئەرکەکەی بۆ خواست. بەڕێوه‌به‌رى گشتيى یونێسکۆ، باسی لە پڕۆژەکانیان لە بواری پاراستن، نۆژەنکردنەوەی شوێنەوارەکان کرد. ئاماژەی بە پڕۆژەی نۆژەنکردنەوەی قەڵای هەولێر وەک شوێنەوارێکی مێژوویی و دێرینی جیهانی کرد.

لەلایەکی دیکەوە: سەرۆکوەزیران مەسرور بارزانی، داوایکرد هەرێمی کوردستان وەک ئەندامێکی بەشدار لە ڕێکخراوی یونێسکۆ وەربگیرێت، بەڕێوەبەری گشتیی ڕێکخراوەکەش، ئامادەیی بۆ هەر هاریکاری و هاوئاهەنگیکردنێک لەمبارەیەوە دەربڕی.