ڕووسیا و چین كۆكن لەسەر ڕێگەچارەی سیاسی بۆ ئۆكراینا

ئاڤا نیوز

ڤلادیمیر پووتین، سەرۆکی ڕووسیا، سەردانی چینی کرد و لەگەڵ شی جینپینگی سەرۆکی ئەو وڵاتە کۆ بووەوە. هەردوولا لەسەر "ڕێگەچارەی سیاسی" بۆ شەڕی ئۆکراینا کۆک بوون.

وێنە گەورەکە: سەرۆکەکانی ڕووسیا و چین لە سەر هاوکاریی هاوبەشی نێوان هەردوو وڵات لە سەر پرسە جیهانییەکان، وەک شەڕی ئۆکراینا و شەڕی غەززە، گفتوگۆیان کرد. هەردوو لا جەختیان لەسەر پابەندبوون بە یاسای نێودەوڵەتی و پڕنسیپەکانی نەتەوە یەکگرتووەکان کردەوە. 

ئەوەی پێویستە بیزانیت: قسەکردن لە سەر ئاشتی و چارەسەری سیاسی بۆ شەڕی ئۆکراینا لە کاتێکدایە کە ڕووسیا ئۆپەراسیۆنە سەربازییەکانی فراوانتر کردووە و هێزەکانی ئۆکراینای لە هەرێمی خارکێڤ ناچار بە پاشەکشە کردووە. 

گۆشەیەكی دیكە: چین هێرشی ڕووسیای بۆ سەر ئۆکراینا سەرکۆنە نەکردووە و ڕایگەیاندووە درێژە بە "بازرگانیی ئاسایی" لەگەڵ ڕووسیا دەدات، بەڵام تەکنۆلۆژیای جەنگی بە ڕووسیا نافرۆشێت.