وەزیری ناوخۆی فەڕەنسا: ڕێگە بە كردەوەی دژە جوو نادەین

ئاڤا نیوز

بەرەبەیانی ڕۆژی هەینی لە شاری ڕۆینی فەڕەنسا هێرشکرایە سەر پەرستگەیەکی جووەکان، وەزیری ناوخۆی ئەو وڵاتەش دەڵێت " کردەوەی دژە جوو لە فەڕەنسا ڕێگەپێدراو نییە.

وێنە گەورەکە: دوای هێرشی ئیسرائیل بۆ سەر کەرتی غەززە، هێرشەکان بۆ سەر کۆمەڵگە جوونیشنەکان و سیناکۆک و شوێنە ئاینی و سەنتەرە ڕۆشنبیرییەکانی  جووەکان لە جیهان ڕوویان لە زیادبوون کردووە، لە فەرەنسا یاسای توند هەیە بۆ ئەو کەسانەی کردەوەی دژە جوو ئەنجامدەدەن.

لێدوانی فەرمی: جیراڵد دارمانین، وەزیری ناوخۆی فەرەنسا ڕایگەیاند: بەهیچ شێوەیەک ڕێگە بە کردەوەی دژە جوو نادەین ونایەڵین وڵاتەکەمان بکەوێتە ئاژاوەوە.

ئەوەی پێویستە بیزانیت: چەند کەسێک هەوڵیاندا لە شاری ڕۆین لە باکووری فەڕەنسا هێرشبکەنە سەر پەرستگەیەکی جووەکان " سیناکۆکێک" و بیسوتێنن وەک چالاکییەک دژی هێرشەکانی ئیسرائیل بۆ سەر کەرتی غەززە.