ئۆکراینا پێشبینیی چڕتربوونەوەی هێرشەکانی ڕووسیا دەکات

ئاڤا نیوز

سەرۆکی ئۆکراینا پێشبینیی دەکات هێرشەکانی ڕووسیا بۆ سەر وڵاتەکەی، بە تایبەتیش لە بەرەی خارکێڤ، فراوانتر ببن. ددان بەوەشدا دەنێت ڕووسیا بەرەوپێشچوونی بەدەست هێناوە و چەندین ناوچەی بە قووڵی پێنج تاوەکوە 10 کیلۆمەتر لە باکووری خۆرهەڵاتی ئۆکراینا داگیر کردووە.

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا، ڕایگەیاند: "من ناڵێم ڕووسیا سەرکەوتنی گەورەی بەدەست هێناوە، بەڵام دەبێت ئێمە بزانین و تێبگەین ئەوان بە قووڵی دێنە نێو خاکی ئێمەوە."

زانیاریی زیاتر: زێلێنسکی داوای کردووە بۆ ڕووبەڕووبوونەوەی ڕووسیا و پاراستنی ئاسمانی ئۆکراینا، 120 تاوەکو 130 فڕۆکەی جەنگیی لە جۆری ئێف16 یا جۆری پێشکەوتووتریان پێ بدرێت.