هێرشی ئەليکترۆنی دەکرێتە سەر شارەزایانی ژیریی دەستکرد

ئاڤا نیوز

گرووپێکی هاککەر کە زمانی چینی بەکار دەهێنن، هێرشی ئەلیکترۆنی دەکەنە سەر ژمارەیەک شارەزای بواری ژیریی دەستکرد کە لە کۆمپانیا ئەمریکییەکان کار دەکەن.

وێنە گەورەکە: توێژەرانی دامەزراوەی پڕووفپۆینت ڕایانگەیاندووە هێرشە ئەلیکترۆنییەکە لە ڕێگەی ناردنی ئیمەیڵەوەیە بۆ شارەزاکان، تا لەو ڕێگەیەوە هاککەرەکان بچنە ناو ئامێرەکانیان و زانیاریی پێویستیان لێ بدزن. هاوکات دامەزراوەکە ناوی هیچ کۆمپانیایەکی ژیریی دەستکردی نەبردووە. 

ئەوەی پێویستە بیزانیت: ئەم هێرشانە لە کاتێکدان کە ئەمریکا و چین لە کێبڕکێیەکی تووندی ئابووری و ئەلیکترۆنیدان و هەریەکەیان هەوڵ دەدات هەژموونی خۆی بە سەر ژیریی دەستکرددا بسەپێنێت.