جان دۆست: سنوورە دەستکردەکان وایان کردووە نووسەرانی کورد نەناسرێن

ئاڤا نیوز

 

نووسەری كورد جان دۆست پێی وایە، سنوورە دەستکردەکان وایان کردووە نووسەرانی کورد نەناسرێن.

لێدوانی تایبەت: نووسەری کورد جان دۆست لە دیمانەیەکی تایبەتیدا لەگەڵ ئاڤا میدیا گوتی: سنووری زمان و زاراوە و تەنانەت سنووری دەروونییش وای کردووە کە خەڵک ئاشنا نەبێت بە نووسەرانی هەریەک لە پارچەکانی کوردستان.

زانیاریی زیاتر: "بوونی میدیا و سۆشیاڵ میدیاکان وایان کردووە تا ڕادەیەک نووسەری پارچەکانی دیکەی کوردستان بناسین و بە کارەکانیان ئاشنا بین، بەڵام کاتی دەوێت تا دەگەین بەوەی خۆمان دەمانەوێت".

ئەوەی پێویستە بیزانیت: زاراوە هۆکارێکی سەرەکییە بۆ ئەم بابەتە، چونکە زۆرکات خوێنەر خۆی ماندوو ناکات کتێبێک بخوێنێتەوە کە بە زاراوەی خۆی نەبێت. جان دۆست وای گوت. 

باگکراوند: نووسەر جان دۆست ساڵی 1965 لە کۆبانێ  لەدایک بووە، سەرەتای نووسینی بە هۆنراوە دەست پێ کردووە و خاوەنی چەندین ڕۆمانە وەک 'میرنامە، خوێن بەسەر منارەوە و مژاباد'.