ئەمریکا: ئێمە یەکەمجار ئێسکەپەیکەری نیاندەرتاڵمان دۆزییەوە

ئاڤا نیوز

ئەمریکا بوونی ئێسکەپەیکەری نیاندەرتاڵ لە خاکی هەرێمی کوردستان پشتڕاست دەکاتەوە، ئاماژە بەوە دەکات تیمێکیان پێش 67 ساڵ ئێسکەپەیکەری نیادەرتاڵەکەیان لەو ئەشکەوتە دۆزیوەتەوە.

لێدوانی فەرمی: کۆنسوڵخانەی ئەمریکا لە هەرێمی کوردستان ڕایگەیاند: ئێسکی کەللەسەری ژنێکی نیاندەرتاڵی تەمەن 75هەزار ساڵ، شەش ساڵ پێش ئێستا لە ئەشکەوتی شانەدەر لە هەرێمی کوردستان دۆزراوەتەوە، شوێنەوارناسی زانکۆی کامبرج نەخشەی دەموچاوی بۆ کێشاوەتەوە، ئەمەش زانیاریی نوێمان لەبارەی ڕووخساری ئامۆزا دێرینەکانمان پێ دەدات.

ئەوەی پێویستە بیزانیت: ساڵی 1957 لەلایەن تیمێکی زانکۆی کۆڵۆمبیی ئەمریکی، بەسەرپەرشتی شوێنەوارناس ڕاڵف سۆلێکی، بۆ یەکەمجار هەڵکەندنیان لە ئەشکەوتی شانەدەر ئەنجام دا و ئێسکەپەیکەری نیاندەرتاڵەکانیان دۆزییەوە.

باكگراوند: ئەشکەوتی شانەدەر لە هەرێمی کوردستان هەڵکەوتووە و دەکەوێتە قەزای مێرگەسووری سەر بە پارێزگای هەولێر، لە باکووری خۆرئاوای چیای زاگرۆس کە کۆمەڵێک شوێنەواری لێیە.