مەحموود مەشهەدانی: پەرلەمان هەڵناوەشێنمەوە

ئاڤا نیوز 

 

مەحموود مەشهەدانی، بەربژێر بۆ پۆستی سەرۆکی پەرلەمانی عێراق لە ڕاگەیێنراوێکدا ئەو دەنگۆیانە ڕەتدەکاتەوە کە گوایە ئەگەر ببێتە سەرۆکی پەرلەمان، ئەوا پەرلەمان هەڵدەوەشێنێتەوە. 

 

بۆچی گرنگە: ئەم دەنگۆیانە لە کاتی هەڵبژاردنی سەرۆکی پەرلەمانی عێراق بۆ دروستکردنی کاریگەری لەسەر هەڵوێستی پەلەمانتاران بڵاو دەکرێتەوە. 

 

ڕاگەیێنراوی فەرمی: مەحموود مەشهەدانی دەڵێت: دەستووری عێراق بەڕوونی ڕێوشوێنەکانی هەڵوەشاندنەوەی پەرلەمانی دیاری کردووە، کە پێویستی بە زۆرینەی دەنگی پەرلەمانتارانە، ئەویش لەسەر بنەمای داواکاریی سێیەکی پەرلەمانتاران، یان داواکاری سەرۆکوەزیران کە ڕەزامەندی سەرۆککۆماری لەسەر بێت.