وێنەگرتن لەنێو هۆڵی پەرلەمانی عێراق قەدەغە کرا

ئاڤا نیوز 

 

موحسین مەندەلاوی، جێگری سەرۆکی پەرلەمانی عێراق، کە سەرۆکایەتیی کۆبوونەوەی هەڵبژاردنی سەرۆکی پەرلەمان دەکات، فەرمانی دا بە ڕێگریکردن لە وێنەگرتنی پڕۆسەکە.

 

وێنە گەورەکە: 285 ئەندام بە گوێرەی ڕیزبەندی پیت بانگی سەر سەکۆی هۆڵی پەرلەمان دەکرێن، لەنێو سێ بژاردەدا دەنگ بە یەكێکیان دەدەن، بۆ هێمنڕاگرتنی پڕۆسەکە مەندەلاوی فەرمانی کردووە کە کەس گرژی دروست نەکات و وێنە نەگرێت.

 

زانیاریی بەدەستهاتوو: موحسین مەندەلاوی لە نێو هۆڵەکە ئەندامانی ئاگادارکردووەتەوە، کە "هەر ئەندامێک نایەوێت بەشدار بێت با بایکۆتی پڕۆسەکە بکات، ئەوەی لێرە دەمێنێتەوە دەبێت پابەندی هێمن ڕاگرتنی دۆخەکە بێت."

 

ئەوەی پێویستە بیزانیت: دەنگدان بۆ سەرۆکی نوێی پەرلەمان لەکاتێکدایە لە ماوەی شەش مانگدا چوار جار هەوڵدراوە سەرۆکی ئەنجوومەنی نوێنەران هەڵبژێرێت، بەڵام شکستی هێناوە، ئەمڕۆ لەنێوان هەر سێ بەربژێر مەشهەدانی، عیساوی و  عامر عەبدولجەبار پڕۆسەکە دەکرێت.