مەندەلاوی: دوای پشوو بڕیار دەدەین

ئاڤا نیوز 

 

پەرلەمانتارانی پەرلەمانی عێراق چوونە پشوویەکی کاتییەوە و دواتر بڕیار دەدرێت کە گەڕێکی نوێ بۆ هەڵبژاردنی سەرۆکی پەرلەمان بکرێت یاخود دانیشتنەکە هەڵبگیرێت.

 

وێنە گەورەکە: دانیشتنی پەرلەمانی عێراق بەردەوامی هەیە بۆ هەڵبژاردنی سەرۆکە نوێیەکەی، بەڵام تاوەکو ئێستا یەکلا نەکراوەتەوە و پەرلەمانتاران پشوویەک وەردەگرن.

 

لێدوانی فەرمی: موحسین مەندەلاوی، جێگری سەرۆکی پەرلەمانی عێراق ڕایگەیاند، "پشوویەک وەردەگرین و دوایی بڕیار دەدەین کە بچینە گەڕێکی نوێی دەنگدانەوە یان دانیشتنەکە هەڵبگرین."

 

ئەوەی پێویستە بیزانیت: لە دەنگدانەکەی ئەمڕۆدا سالم عیساوی 158 دەنگ و مەحموود مەشهەدانی 137 دەنگی بەدەستهێنا، بەربژێری دەرچوو دەبوایە دەنگی %50+1 ـی واتا 166 ئەندام بەدەست بهێنێت، بەڵام ئەو ڕێژەیان بەدەست نەهێنا، بۆیە گەڕی دووەم دووبارە دەکرێتەوە.