هاوپەیمانیی تەقەدووم: حکومەتی عێراق دەستوەردان لە کاروباری هەڵبژاردنی سەرۆکی پەڕلەمان دەکات

ئاڤا نیوز

 
گوتەبێژی هاوپەیمانیی تەقەدووم  دەڵێت، دەستوور بنەمای جیاکردنەوەی دەسەڵاتەکانی جێگیر کردووە و حکومەت پێشێلی دەستوور و پرەنسیپەکانی دەکات و دەستوەردان لە هەڵبژاردنی سەرۆکی پەڕلەمان دەکات.

 

وێنە گەورەکە: بەر لەهەڵبژاردنی سەرۆکی پەرلەمان، هاوپەیمانی تەقەدووم پشتیوانی خۆی بۆ مەحموود مەشهەدانی دەربڕی، دوای ڕاگەیاندنی ئەنجامەکانی گەڕی دووەم مەشهەدانی بە 21 دەنگ لە دوای سالم عیساوی هات، ئەمەش بووە هۆی ناڕەزایی هاوپەیمانەتییەکەی حەلبووسی.

 

لێدوانی فەرمی: یەحیا محەممەدی، گوتەبێژی هاوپەیمانیی تەقەدووم لە تۆڕی ئێکس نووسیویەتی: دەستوور بنەمای جیاکردنەوەی دەسەڵاتەکانی دیاری کردووە، بەگوێرەی نۆرمی سیاسی دەبێت ڕێز لە بنەمای زۆرینە بگیرێت، ئایا ئەم یاسا چەسپاوانە بوونەتە شتێکی ناپێویست، حکومەت بەڕوونی دەستێوەردان لە هەڵبژاردنی سەرۆکی پەڕلەمان دەکات، ئەمەش پێشێلکردنی دەستوور و پرەنسیپەکانیەتی.

 

لەلایەکی دیکەوە: نووری مالیکی، سەرۆکی هاوپەیمانیی دەوڵەتی یاسا، داوای لە ئەندامانی فراکسیۆنەکەی کردووە کار بۆ دواخستنی دانیشتنی پەڕلەمانی عێراق بکەن.