نەتانیاهۆ داواكارییەكانی گانتز ڕەت دەكاتەوە

ئاڤا نیوز

 

سەرۆكوەزیرانی ئیسرائیل بەتوندی وەڵامی سەرۆكی پارتی شین و سپی دەداتەوە و دەڵێت، داواکارییەكانت لەكاتێكی نەگونجاودایە.

 

وێنە گەورەكە: كەمێك پێش ئێستا بێنی گانتز، سەرۆكی پارتی شین و سپی ئیسرائیل، مۆڵەتی 20رۆژ و شەش مەرجی خستە بەردەم بنیامین نەتانیاهۆ ئەگەر نا لە حكومەتەكەی دەكشێتەوە، نەتانیاهۆش وەڵامی دایەوە کە "داواكارییەكانت لە كاتێکی گونجاودا نییە".

 

لێدوانی فەرمی: بنیامین نەتانیاهۆ، سەرۆكوەزیرانی ئیسرائیل بۆ بێنی گانتز: ”مەرجەكانت لە كاتێكی خراپدایە و ئێمە لە غەززە لە شەڕێكی قورسداین."

 

ئەوەی پێویستە بیزانیت: لە سەرەتایی شەڕی نێوان بزوتنەوەی حەماس و سوپای ئیسرائیل، ناكۆكییەكانی نێوان پارتی لینكۆد بە سەرۆكایەتی نەتانیاهۆ و پارتی شین و سپی بە سەرۆكایەتی بێنی گانتز قوڵتر بوونەتەوە.