ئیسرائیل 19 کۆمەڵگای نیشتەجێبوونی نوێ لەسەر خاکی فەلەستین دروست دەکات

ئاڤا نیوز

کابینەی جەنگیی ئیسرائیل بڕیارێکی نوێی بۆ درووستکردنی 19 کۆمەڵگای نوێ بۆ نیشتەجێکردنی جووەکان لە کەرتی خۆرئاوا دەرکرد.

 

ڕاگەیێنراوی فەرمی: نووسینگەی بێزالێل سمۆتریچ، وەزیری دارایی ئیسرائیل، ڕایگەیاند: ئامانج لەم هەنگاوە ڕێگریکردنە لە دامەزراندنی دەوڵەتێکی فەلەستین.

 

زانیاریی زیاتر: بەپێی ئامارەکان، بەم بڕیارە نوێیەوە کۆی ئەو کۆمەڵگایانەی کە لە سێ ساڵی ڕابردوودا پەسەند کراون گەیشتە 69 کۆمەڵگا.

 

کاردانەوەکان: نەتەوەیەکگرتووەکان داگیرکردنی زەویی فەلەستینییەکان لە کەرتی خۆرئاوا بە پێچەوانەی یاسای نێودەوڵەتی دەزانێت و هۆشداری دەدات کە فراوانخوازیی ئیسرائیل گەیشتووەتە بەرزترین ئاستی خۆی لە دوای ساڵی 2017ـەوە. 

 

ئەمەش بزانە: ئەم بڕیارەی ئیسرائیل لە کاتێکدایە کە گوشارە نێودەوڵەتییەکان بۆ ناساندنی دەوڵەتی فەلەستین زیادیان کردووە.