پاركێكی نوێ لە هەولێر دروست دەكرێت

ئاڤا نیوز

 

لەگەڕەكی ژیانی هەولێر پاركێكی گەورە لەسەر ڕووبەڕی 17هەزار مەتر چوارگۆشە دروست دەكرێت و سێ ملیار و 400 ملیۆن دیناری بۆ تەرخان كراوە.

 

وێنە گەورەكە: بۆ زیادكردنی ڕووبەری سەوزای و جوانتركردنی سیمای هەولێری پایتەختی هەرێمی كوردستان، پارکێکی نوێ بەشێوازی ئەندازەیی نوێ و بە دەستوپەنجەی ئەندازیاری ناوخۆیی و كرێكاری خۆمانە لە گەڕەكی ژیان دروست دەكرێت.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت:” ئامانج لە دروستكردی ئەم پارکە زیادكردنی ڕێژەی سەوزایی و فراوانتركردنی پانتایی سەوزاییە لە پایتەخت و جوانتركردنی سیمای گەڕەكی ژیانە”.

 

ئەوەی پێویستە بیزانیت: گەڕەكی ژیان یەكێكە لە گەڕەكە قەرەباڵخەكانی شاری هەولێر و دەكەوێتە سەر ڕێگەی كەركووك هەولێر و  شوێنی پاركەكەش دەكەوێتە ناوەڕاستی گەڕەكەكەوە.

 

ئەوەی پێویستە بیزانیت: لە كابینەی نۆیەمدا بە چاودێریی سەرۆكوەزیران بارزانی، كار بۆ دروستكردنی پارك و باخچەی زیاتر كراوە و گرنگی زیاتر سەوزتركردنی شارەكان دراوە، وەک پلانێک بۆ ڕووبەڕووبنەوەی گۆڕانی كەشوهەوا.