لێدوانی خامنەیی لەبارەی ونبوونی هێلیکۆپتەرەکەی سەرۆککۆماری ئێران

ئاڤا نیوز

 

عەلی خامنەیی، ڕێبەری کۆماری ئیسلامیی ئێران ڕایگەیاند: "هیوادارم سەرۆککۆمار بە سەلامەتی بگەڕێتەوە و گەلی ئێران دڵنیا دەکەمەوە، هیچ کەموکوڕییەک لە کاروباری وڵات نایێتە پێشەوە".

بۆچی گرنگە؟ چاودێرانی سیاسی ئەم قسانەی ئایەتوڵا خامنەیی کە ئەمشەو لە نێو دیداری بەشێک لە بنەماڵەی سووپای پاسداران و بە بۆنەی لەدایکبوونی ئیمام ڕەزا کردنی، بە گووماناوی لەقەڵەم دەدەن و بە "جۆرێک بێمنەتیی خامنەیی بەرامبەر بە ئیبراهیم ڕەئیسی بۆ بەڕێوەبردنی وڵات" هەژمار دەکەن. 

 

وێنە گەورەکە: ئەمڕۆ لە پارێزگای تەورێز، سەرۆککۆماری ئێران و هاوتا ئازەربایجانییەکەی بەنداوێکیان کردەوە. دوای گەڕانەوەی ئیبراهیم ڕەئیسی سەرۆککۆماری ئێران لە سنوورەوە بۆ تەورێز و "لەبەر خراپیی کەشوهەوا"، هێلیکۆپتەرەکە ون بووە و ئێستا زیاتر لە 40 تیمی فریاگوزاری بە دوای سەرۆککۆمار و هاوەڵانی دەگەڕێن کە بریتین لە وەزیری دەرەوەی ئێران و پارێزگاری تەورێز و پێشنوێژی تەورێز.

لەلایەکی دیکەوە: عەلی بەهادۆری، گوتەبێژی ئیبراهیم ڕەئیسی ڕایگەیاند: "لە دۆخێکی ئاڵۆز و قورسداین، مافی خەڵکی ئێران و ڕاگەیاندنەکانە هەموو شتێک لەبارەی هێلیکۆپتەرەکەی خامنەییەوە بزانن". گوتیشی: لەبارەی شوێنی ڕووداوەکە و دۆخی سەرۆککۆمار،  تاوەکو ئێستا هیچ شتێکی نوێمان دەست نەکەوتووە.