کاردانەوەکان دوای ڕووداوی ونبوونی هێلیکۆپتەرەکەی سەرۆککۆماری ئێران

ئاڤا نیوز

 

دوای ڕووداوی ونبوونی هێلیکۆپتەرەکەی سەرۆککۆماری ئێران، کاردانەوەکان زیاتر بوونە و تاوەکو ئێستا چەندین وڵات ئامادەیی خۆیان بۆ هاوکاریکردنی ئێران ڕاگەیاندووە.

وێنە گەورەکە: لە پارێزگای ئازەربایجانی ڕۆژهەڵاتی ئێران، سەرۆککۆماری ئێران و هاوتا ئازەربایجانییەکەی بەنداوێک دەکەنەوە. دوای گەڕانەوەی بۆ تەورێز، "لەبەر خراپیی کەشوهەوا" هێلیکۆپتەرەکە ناچار بوو بەر لە گەیشتنی بە شوێنی مەبەست بنیشێتەوە.

 

 

وەزارەتی دەرەوەی ئەمریکا: لە نزیکەوە بەدواداچوون بۆ ئەو ڕاپۆرتانە دەکەین کە باس لە ئەگەری نیشتنەوەی دژواری هێلیکۆپتەرێک لە ئێران دەکەن کە سەرۆکی ئێران و وەزیری دەرەوەی هەڵگرتووە. لەم کاتەدا لەوە زیاترمان بۆ گوتن نییە.

 

وەزارەتی دەرەوەی سعودیە: بە نیگەرانییەوە بەدواداچوون دەکەین بۆ هەواڵەکانی پەیوەست بە ڕووداوی هێلیکۆپتەرەکەی سەرۆک کۆماری ئێران و ئامادەی پێشکەشکردنی هەر جۆرە هاوکارییەکین.

 

وەزارەتی دەرەوەی تورکیا: بە خەم و نیگەرانییەوە بەدواداچوون بۆ ڕووداوی هێلیکۆپتەرەکەی سەرۆککۆمار و وەزیری دەرەوەی ئێران دەکەین. تورکیا لە یارمەتیدانی پڕۆەسەکانی گەڕان و فریاگوزاریدا چەند ڕێکارێکی گرتووەتە بەر.

 

 وەزارەتی دەرەوەی قەتەر: بە قووڵی نیگەرانین و هیوای سەلامەتی بۆ سەرۆک، وەزیری دەرەوە و هاوەڵەکانیان دەخوازین. ئامادەی پێشکەشکردنی هەموو جۆرە هاوکارییەکین بۆ پاڵپشتیی لە گەڕان.

 

وەزارەتی دەرەوەی عێراق: بە نیگەرانییەكى قووڵەوە چاودێریی هەواڵەکانی ڕووداوی هیلیکۆپتەری سەرۆککۆماری ئێران و وەزیری دەرەوەو شاندی یاوەریان دەکەین، هیوای سەلامەتی بۆ سەرۆککۆماری ئێران و یاوەرانی دەخوازین.

 

وەزارەتی دەرەوەی ئەرمینیا: بە ڕووداوەکانی پەیوەست بە ئێران شۆک بووین. ئەوان دراوسێیەکی نزیک و دۆستە و ئێمەش ئامادەی پێشکەشکردنی هەموو هاوکارییەکی پێویستین.

 

یەکێتیی ئەوروپا: لەسەر داوای ئیران، بەخێرایی سسیستەمی گەڕانی مانگی دەستکردی کۆپەرنیک چالاک کراوە.

 

حکومەتی کوێت: لەم دۆخە سەختدا لەگەڵ ئێران دەوەستین. 

 

حکومەتی ئیمارات: ئامادەین بۆ پاڵپشتیکردن لە پڕۆسەکانی گەڕان و ڕزگارکردن.

 

سەرۆککۆماری ئازەربایجان: هەواڵی نیشتنەوەی ناچاریی هێلیکۆپتەری هەڵگری شاندی باڵای ئێرانی زۆر نیگەرانی کردین. بزای ئێمە لە خودای گەورە سەلامەتی ڕەئیسی و شاندی یاوەریەتی.

 

سەرۆکی هەرێمی کوردستان: بە نیگەرانییەكى قووڵەوە چاودێریی هەواڵەکانی ڕووداوی هیلیکۆپتەری سەرۆک ڕەئیسی دەکەم. لە خوای مەزن داواکارم خۆیان و یاوەرانی باش و سەلامەت بن.

 

سەرۆکوەزیران بارزانی: ڕووداوی کەوتنەخوارەوەی هێلیکۆپتەری سەرۆککۆماری ئێران مایەی نیگەرانیمانە. هیوادارم سەرۆک ڕەئیسی و سەرنشینەکانی دیکە سەلامەت بن. 

 

سەرۆککۆماری عێراق: هاوسۆزی و نیگەرانیی قووڵی خۆمان سەبارەت بە ڕووداوەکە دەردەبڕین و جەخت لەسەر پشتیوانیی عێراق بۆ کۆماری ئیسلامی لەم هەلومەرجە سەختەدا دەکەینەوە.

 

سەرۆکوەزیرانی عێراق: وەزارەتی ناوخۆ و مانگی سووری عێراقیم راسپاردووە هەموو تواناکانیان بخەنەڕوو بۆئەوەی هاوكاربن لە گەڕان بەدوای هێلیکۆپتەرەکەی سەرۆككۆماری ئێران.

 

سەرۆککۆماری تورکیا: زۆر خەمبار بووین بەم هەواڵە. لەگەڵ دەسەڵاتدارانی ئێرانی لە پەیوەندی و هاوئاهەنگیداین و ئامادەی پێشکەشکردنی هەموو جۆرە پاڵپشتییەکی پێویستین.

 

هیندستان بە بۆنەی گیانلەدەستدانی ڕەئیسی، ڕۆژێک ماتەمینی گشتیی ڕاگەیاند.