‎نیوزلەندا ماددەیەکی جوانکاریی پیاوان و ئافرەتان قەدەغە دەکات

ئاڤا دیجیتاڵ

نیوزلەندا ژمارەیەک ماددەی كیمیایی لە وڵاتەكەیدا قەدەغە دەكات،  بۆ ئەوەی زیان بەر هاووڵاتییانیان نەكەوێت.

‎چیرۆکی سەرەکی : نیوزلەندا بەکارهێنانی کۆمەڵێک ماددەی کیمیایی تێکدەرانەی قەدەغەکردووە کە پێدەچێت کاریگەريی نەرێنی لەسەر تەندروستی مرۆڤ هەبێت و نیوزلەندا یەکێکە لە یەکەم وڵاتەکانی جیهان کە ئەم ماددانە قەدەغە دەکات. 

‎لێدوانی فەرمی: شۆن بریسۆ، بەڕێوەبەری بەشی هەڵسەنگاندنەوەی مەترسی ماددەکان، ڕایگەیاند "توێژینەوە نێودەوڵەتییەکان ئاماژە بەوە دەکەن کە ماددەی پەرفلۆرۆئەلکیل لە ژمارەیەکی کەم لە بەرهەمەکاندا دۆزراونەتەوە، بەڵام ئێمە ڕێگەیەكی هۆشیارانە دەگرینەبەر بەرامبەر بە ئەگەرەکانی مەترسیی ئەم ماددانە".

 

زانیاری زیاتر: "‎دەزانین ئەم ماددانە بە ئاسانی تێکناچن، دەتوانن لەناو جەستەماندا کۆببنەوە و هەندێکیان دەتوانن ژەهراویی بن لە ئاستێکی بەرزدا " شۆن بریسۆ وای وت.

‎ئەوەی پێویستە بیزانیت: ئەم ماددانە هەندێکجار لە بەرهەمەکانی وەک بۆیەی نینۆک، کرێمی ڕیش تاشین، ئەساس و ماسکارادا  بۆ نەرمکردنی پێست بەکاردەهێنرێن، یان بەرهەمە جوانکارییەکان بەهێزەکان و دژە ئاوەکان.