کۆنسوڵی ئێران لە هەولێر: لێکۆڵینەوە لە کەوتنەخوارەوەی هێلیکۆپتەرەکەی سەرۆککۆمار دەکرێت

ئاڤا نیوز

 

کونسوڵی گشتی ئێران لە هەولێر ئاماژە بەوەدەدات، هەموو لایەنەکانی ڕووداوی کەوتنەخوارەوەی هێلیکۆپتەرەکەی ئیبراهیم ڕەیسی تاوتوێ دەکرێن و "زانیاریی سەرەتایی ئەوەیە ڕووداوەکە بەهۆی کەشوهەوا بووە."

 

لێدوانی فەرمی: نەسروڵا ڕەشنودی، کونسوڵی گشتی ئێران لە هەولێر لە کۆنگرەیەکی ڕۆژنامەوانیدا گوتی: "ئەمە ڕووداوێکی ناخۆش بوو بۆ کۆماری ئیسلامی ئێران و هەموو لایەنەکانی ئەو ڕووداوە تاوتوێ دەکرێن."

 

زانیاریی زیاتر: محەممەد موخبیری، جێگری یەکەمی سەرۆککۆمار کاروبارەکانی ڕەئیسی لە ئەستۆ دەگرێت و عەلی باقری، ئەرکەکانی وەزیری دەرەوە ڕادەپەڕێنێت، لە ماوەی 50 ڕۆژدا هەڵبژاردن بۆ سەرۆککۆمار دەکرێت.