بەهۆی لێچوونی غازەوە كێشە بۆ ئاوی خواردنەوەی قەڵادزێ دروست دەبێت

ئاڤا نیوز

جارێكی دیكە بوتڵێكی غازی كلۆری پرۆژەی ئاوی خاس تووشی لێچوون بووە، مەترسی لەسەر ئاوی دانیشتووانی قەڵادزێ دروستكردووە، بەڕێوەبەری پڕۆژەكەش دەڵێت تیمەكان لە هەوڵدان بۆ چارەسەركردنی.

وێنە گەورەكە: لە ماوەی كەمتر لە 20 ڕۆژدا دووەمجارە بوتڵی غازی كلۆر تووشی لێچوونی غاز دەبێت، گومان دەكرێت ئاوی خواردنەوەی %95ـی دانیشتووانی قەڵادزێی ژەهراوی كردبێت.

لێدوانی فەرمی: مارف مەحمود، بەڕێوەبەری پڕۆژەی ئاوی خاس بە ئاڤا نیوزی گوت: "حەوزێكی یەدەگ هەیە بۆ ئەوەی ئەو غازە تێكەڵی ئاوی خاوێن نەبێت، بەڵام كاریگەری نەرێنی دەخاتە سەر ژینگەی دورووبەر و %90ـی چاككردنەوەی بوتڵەكە تەواوبووە".

ئەوەی پێویستە بیزانیت: پڕۆژەی ئاوی خاس، ئاوی خواردنەوەی 19  هەزار هاوبەشی سنووری قەڵادزێ دابین دەكات، بەهۆی كۆنییەوە بوتڵەكان دەشكێن و گرفت بۆ ئاوی خواردنەوە دروست دەكەن.