کۆبوونەوەی تایبەت بە پرسی وەرگرتنی گەنمی جووتیارانی هەرێمی کوردستان بێ ئەنجام بوو

ئاڤا نیوز

 

کۆبوونەوەی لیژنەی 57 سەبارەت بە پرسی وەرگرتنی گەنمی جووتیارانی هەرێمی کوردستان بەبێ ڕێککەوتن تەواو بوو.

 

وێنە گەورەکە: لە عێراق پڕۆسەی وەرگرتنی گەنمی جووتیاران دەستی پێ کردووە، سەرجەم بەرهەمی جووتیاران وەردەگیرێت، بەڵام بەغدا بۆ جووتیارانی هەرێمی کوردستان دەیەوێت بە گوێرەی پشک بێت.

 

لێدوانی فەرمی: د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵی هەرێمی کوردستان بە ئاڤا نیوزی گوت: "ئەو پشکەی لەلایەن شاندی عێراقەوە پێشنیازکرا لای ئێمە پەسەند نەبوو، بۆیە تاوەکو کۆبوونەوەی داهاتوو پرسەکە بە کراوەیی دەمێنێتەوە."

 

ئەوەی پێویستە بیزانیت: 10 سایلۆ و دوو کۆگا بۆ وەرگرتنی گەنمی جووتیاران تەرخان کراون کە توانای کۆگاکردنی نزیکەی 700 هەزار تۆن گەنمیان هەیە.