خشتەکانی بودجەی ساڵی 2024 گەیشتە پەرلەمانی عێراق

ئاڤا نیوز

 

دوای پەسەندکردنی خشتەی بودجەی ساڵی 2024، ڕەوانەی پەرلەمان کرا بۆ گفتوگۆکردن و پەسەندکردنی.

 

وێنە گەورەکە: دوای نزیکەی پێنچ مانگ لە بەسەرچوونی ساڵی دارایی، ڕۆژی یەکشەممە 19-05-2024 ئەنجوومەنی وەزیرانی عێراق خشتەی بودجەی ساڵی 2024ـی پەسەندکرد.

 

ڕاگەیێنراوی فەرمی: "خشتەی بودجەی ساڵی 2024ـمان لە حکومەتەوە پێگەیشت و ئێمەش ڕەوانەی سەرۆکایەتیی پەرلەمانمان کرد" سەفوان ئەلجەرجەری، ئەمینداری گشتیی پەرلەمانی عێراق ئەوەی گوت.

 

ئەوەی پێویستە بیزانیت: پەرلەمانی عێراق کەمتر لە یەک مانگی لەبەردەستدایە بۆ گفتوگۆکردن و دەنگدان لەسەر هەمواری یاسای بودجەی ئەمساڵ کە پێشبێنی دەکرێت نزیکەی 80 ملیار دینار کورتهێنانی هەبێت.