لە ڕۆژێکدا شەش بۆ 10 خولەک وەرزشکردن مرۆڤ زیرەکتر دەکات

ئاڤا نیوز

لێکۆڵینەوەیەکی زانستی پشتڕاستی کردۆتەوە، ڕۆژانە شەش بۆ 10 خولەک ڕۆشتنی خێرا دەتوانێت مرۆڤ زیرەکتر بکات و سەرنجی زیاتر بکات.

بڵاوکراوەی فەرمی: توێژینەوەکان لە گۆڤاری زانستی پەتاکان و تەندروستی کۆمەڵگە بڵاوکراونەتەوە، باس لەوەدەكات تەنیا شەش بۆ 10 خولەک وەرزشکردنی مامناوەند یان بەهێز دەتوانێت بیرەوەری کارکردن باشتر بکات، بە شێوەیەکی بەرچاو تواناکانی تێگەیشتن بەرزتر بکات.

ئەوەی پێویستە بیزانیت: ئەو وەرزشانەی ماندوویەتی مامناوەندیان لێدەکەوێتەوە بریتییە لە چالاکییەکانی وەک ڕۆیشتن بە خێرایی، ڕاکردنی خاو، یان سەرکەوتن بەسەر پلیکانەکاندا،  وەرزشە بەهێزەکانیش بریتین لە پاسکیلسواری، مەلەکردن یان ڕاکردنی خێرا.

لە لایەکی دیکەوە: لە ئەنجامی توێژینەوەیەکدا دەرکەوتووە، نەکردنی وەرزشی پێویست کاریگەری نەرێنی هەیە کە دەبێتە هۆی کەمکردنەوەی توانای تێگەیشتن بە ڕێژەیی 1% بۆ 2%.