نەرویج، ئێرلەندا و ئیسپانیا دان بە دەوڵەتی فەڵەستیندا دەنێن

ئاڤا نیوز 

نەرویج، ئێرلەندا و ئیسپانیا ڕایانگەیاند، دان بە دەوڵەتێکی فەڵەستینیدا دەنێن، ئەمەش وایکردووە ئیسرائیل دەستبەجێ باڵیۆزەکانی بانگهێشت بکاتەوە.

بۆچی گرنگە: پاڵپشتی ئەو وڵاتانە، فەڵەستین لە  بە دەوڵەتبوون  نزیک دەکاتەوە.

لێدوانە فەرمییەکان: ئێرلەندا ڕایگەیاند وڵاتەکەی فەلەستین وەک دەوڵەتێک دەناسێت، بەڵام کاتی دیاری نەکردووە، لە بەرامبەردا سەرکردەکانی نەرویج و ئیسپانیا ڕایانگەیاندووە، کە لە 28ی ئایارەوە ئەو کارە دەکەن.

بۆچوونی لایەنی بەرامبەر:  بنیامین نەتەنیاهۆ، سەرۆکوەزیرانی ئیسرائیل لە ئێکس ڕایگەیاند:" دان نان بە دەوڵەتی فەڵەستین دەتکات بە پیاوی حەماس و ئێران". لە پاڵ ئەوشدا ڕاستەخۆ بڕیاریدا باڵیۆزی لەو وڵاتانە بکشێنێتەوە.

ئەوەی پێویستە بیزانیت: بە گوتەی نەتەنیاهۆ، "پلانەکانی دانپێدانانی فەڵەستین  خەڵاتێکە بۆ تیرۆر و ئەگەری چارەسەرکردنی شەڕی غەززە بە دانووستان کەمدەکاتەوە".

باکگراوند: لە حەوتی ئۆکتۆبەرەوە  شەڕی غەززە دەستیپێکردووە، کاتێک چەکدارانی حەماس هێرشیان کردە سەر باشووری ئیسرائیل و دواتر ئیسرائیل هێرشی بۆسەر غەززە دەستپێكرد.