پێشبڕکێی 'جوانی ناخ ' بەڕێوە چوو

ئاڤا نیوز

پێشبڕکێی 'جوانی ناخ ' لە بەلجیكا بەڕێوەچوو، مەبەستی سەرەکی پیشبڕکێکە تیشک خستنە سەر جوانی ناوەوەی خانمانە.

وێنە گەورەکە: ڕکابەرییەکە لە نێوان پێنج هەزار  خانمدا بوو کە تەمەنیان لە نێوان 23 بۆ 64 ساڵدایە،  بۆ ماوەی نۆ مانگ کاریان کرد لەسەر دۆزینەوە و قبوڵ کردنی خۆیان.

ئەوەی پێویستە بیزانیت: ناتالی دی ڕیوک، دامەزرێنەری پێشبڕکێکەیە و خۆی پێشتر مۆدێل بووە، دەڵێت "جوانی مرۆڤ مێژووەکەیەتی نەک فلتەرەکانی سۆشیاڵ میدیا کە هەستی شەرمەزاری ژنان بەرامبەر بە جەستە و دەرکەوتنیان پەروەردە دەکەن".

زانیاریی زیاتر: لۆری درێزی تەمەن 47 ساڵ کە دایکی هەشت منداڵە بووە خاوەنی تاجەکە، ئەو گووتی ' جوانی جەستە بەپێی ئەو وێنەیەی لەڕێگەی ڕیکلام و مۆدەوە دەگوازرێتەوە، تەمەنی کورتە، جوانی ڕاستەقینە جوانی ناخە".