خامنەیی: فەلەستین بەسەر ئەمریكا و ئیسرائیل سەركەوت

ئاڤا نیوز

 

ڕێبەری باڵای شۆڕشیی ئیسلامیی ئێران ڕایدەگەیێنێت، بەڵێنی خودا سەبارەت بە سەركەوتنی گرووپێكی بچووك بەسەر گرووپێكی گەورەدا سەركەوت، دەوڵەتی فەلەستینش دروست دەكرێت.

 

وێنە گەورەكە: سەرەڕای ئەوەی ئێران ئامادەسازیی بۆ ڕێوڕەسمی بەخاكسپاردنی ئیبراهیم ڕەئیسی دەکات، خامنەیی لەبارەی غەززەوە ڕایگەیاندووە، بەڵێنی خودا دێتەدی.

 

پەیامی فەرمی: عەلی خامنەیی، ڕێبەری باڵای شۆڕشی ئیسلامیی ئێران ڕایگەیاند: "وەك چۆن دوو بەڵێنی خودا بە دایكی مووسا هاتەدی، بەڵێنی خوداش سەبارەت بە سەركەوتنی گرووپێكی بچووكی وەك فەلەستین بەسەر گرووپێكی گەورەی وەك ئەمریكا، ناتۆ، بەریتانیا و ئیسرائیل هاتەدی.

 

ئەوەی پێویستە بیزانیت: لە ساڵی 1988ـەوە تاوەکو ئێستا، لە کۆی 193 وڵاتی ئەندامی نەتەوە یەکگرتووەکان، 139 وڵات دانیان بە دەوڵەتبوونی فەلەستیندا ناوە، پێدەچێت 50 دەوڵەتی دیكەش دان بە سەربەخۆیی فەلەستیندا بنێن.