زیاتر لە 800 هەزار کەس لە باشووری غەززە ئاوارە بوون

ئاڤا نیوز

 

تانکەکانی ئیسرائیل لە پێشڕەویکردن بۆ ناوچە قەرەباڵغەکانی ناو ڕەفەح لە باشووری غەززە بەردەوامن و بەم هۆیەوە تاوەکو ئێستا زیاتر لە 800 هەزار کەس ناوچەکانیان جێهێشتووە.

 

وێنە گەورەکە: سەرەڕای ناڕەزاییە نێودەوڵەتییەکان، سوپای ئیسرائیل لە بۆردومانە ئاسمانییەکان و ئۆپەراسیۆنە زەمینییەکانی بۆ سەر ڕەفەح بەردەوامە. 

 

زانیاریی زیاتر: سوپای ئیسرائیل هەموو ئەو ڕێڕەوانەی داخستووە کە لە ڕێگەیانەوە یارمەتی مرۆیی بە خەڵکی غەززە دەگەیشت.

 

بۆچی گرنگە؟ بە زۆر کۆچپێکردنی خەڵكی ڕەفەح پێچەوانەی یاسا نێودەوڵەتییەکانە و دەبێتە هۆی قووڵتربوونەوەی کارەساتی مرۆیی لە کەرتی غەززە.